vendredi 17 juin 2011

Amnesty international... 50ème anniversaire

Découvrez cette superbe vidéo en HD commémorant le cinquantième anniversaire d'Amnesty International, réalisé par Amnesty USA...

AMNESTY INTERNATIONAL - 50 years from Carlos Lascano on Vimeo.

Leia Mais…

samedi 11 juin 2011

وزارة الصحة مريضة



وزارة الصحة مريضة، ومرضها مزمن ومش لاقيلنو دوا، فيها أربعة من ناس عياو وهوما يحكموا، يقرروا في بلاصة المعنين بالأمر، وملي حطوا برامج المديسين، عمرها ما تبدلت حاجة، من عهد بورقيبة، ومن صحة للجميع، بقدرة قادر بش نوليو نلوجو على صحة الوزارة الصحة المريضة.

 لوزارة هذي مرضها مزمن، ما فادتش فيه لا الثورة ولا البوعزيزي، ودار لقمان على حالها. لمرض متاعها نلقاو فيه قلة ألسمع، والطرش، وإنعدام النظر عن بعد وساعة على ساعة العمى إذا اقتضت الحاجة. من بين الأعراض الأخرى، يمكن أن نذكر، قول كلام ثم الدوران فالحياصة بكل أريحية، وإنعدام الثقة فالأخر، خاصة إذا كان مقيم أو طبيب داخلي. مل مشاكل إلي تعترضنا كي نحبو نعملوا فحص شامل لهل مريض، فإنو يرفض كل شفافية ممكنة، ونضطرو لسماع دقات القلب من فوق الملابس متاعو، هذا إذا خلاك تمسوا ولا تقربوا...

الكلنا سمعنا بالإضراب إلي قاموا به المقيمين والأطباء الداخلين، أما الكلنا مناش فاهمين الأمر بكل وضوح، رغملي أنا واحد من ناس نعتقد في مصداقية أطباءنا هذم، كما نعتقد إلي مجابهة هل أطباء هذم للوزارة مهوش متكافء، بما انو طبتنا الصغار فالعمر كانوا ديمة موجدين وقتلي لبلاد احتاجتلهوم وهذا يوري إلي هما ناس مسؤلين، ومن شيرا أخرى فما وزارة قوية في إلقاء التهم بعدم الوطنية، وفي نشر معلومات مضللة لالرأي العام وقتلي توري سي بوبطان في سبيتار مدنين يفلم علينا بجراح يعمل في عملية بالمنظار وقتلي شوشة والذهيبة وراس جدير وبن قردان ومدنين فيهم ما يسمى بطب الكوارث ولازمهم طب سريع وناجح ومش عملية بلمنظار.

من أخر ما سمعتوا على هل الوزارة، إنها قامت بانتدابات جديدة في سلك الممرضين وهذا حاجة هايلة، أما إلي مش باهي هو أنها انتدبت أشخاص الباهي فيهم تخرج عام 2005 (هذا بالنسبة للمستشفى إلي صار فيه الإنتداب) ومنهم مبنجة وقع انتدابها بعدلي استنات 13 عام، إي نعم، السيدة متخرجة من سنة 1998, يعني نسات الخدمة ووالدين الخدمة، لاهيا بصغارها وراجلها، ومعاد عندها حتى علاقة بالسبيتار، نتسائل شنوا تنجم تضيفوا السيدة هذي ولخرين للمريض، يخي ما فماش هياكل متاع سلامة المرضى تنجم تمنع هل مهازل هذي؟ فرملي ولا فرملية ولا مبنج ولا ألاتي (إنسترمنتيست) عندو سنين الله بعيد على الميدان، عندو الحق ينسى ويسهى، أما من دور وزارة الصحة بش تحمينا وترسكل هل عباد هذم إلي عندهم الحق فالعمل أما ما عندهمش الحق بش اكوروا بحياتنا.

حاجة كيما هذي تزيد تأكدلي إنو وزارة الصحة لا تعالج المشاكل وانما تعالج الأعراض،  رغم إنو أول حاجة يقراوها فالمديسين، إنو لا يجب الوقوف على مستوى العلامات المرضية بل وجب البحث عن الداء. 

Leia Mais…