mardi 26 juillet 2011

وقيت بش تقيد يا سسمك


خبر يساق بكل حزم إلى عامة الناس
اذهب لتقيد نفسك فذاك هو الساس

كل ليلة تقول غدوة بش نمشي نقيد
رد بالك يا ولدي راهو بالحق وقيت

نهارة تلاثة و عشرين باش يهل هْلَالو 
امشي اختار وحدك و موش بالهَلّالو

حب من حب و كره من كره كلام الباجي
امشي قيد ما تخلينيش ندادي و نلاجي

ما تخليش حتى بنادم يختار في بقعتك
لا يدرعولك خلايقك و يخليوك بغصتك

فرصة تاريخية لينا لكل يا توانسة
ماتفسدوش عرس تونس يا ناسنا

اللي بش يصير نهارة تلاثة و عشرين
بش يقرر دستور لبلاد لمدة سنين

مش عام مش عامين يمكن ميا ولا ميتين
يا تونس ارفع راسك ولادك حيين مش ميتين

0 commentaires:

Enregistrer un commentaire